2009/11/13

今日出左下期更紙了yeah。

2009/11/14

今日聽日都dayoff，太開心。

訓到12點幾，2點幾同嚮馬鞍山補完習既tracy去新港城食野。終於再次可以食我非常懷念又喜歡果間法國野。

夜晚出樂富食飯。

2009/11/15

今日12點返city同asw同學食飯，之後一起去影畢業相！wow好好玩但十分累！影到5點幾，消耗晒我一日既力量喇。

ac細佬朋友果部3萬蚊既相機，真係睇到我目定口呆，d相真係影得好靚！

2009/11/16

星期一又是返工既時候，今日第1次返8點至4點更。交更會，我也有份hold了(其實上星期已率先hold了一次)！雖然錯漏百出哈哈。

放工後本來諗住出沙田行街，買相機，同埋同康盈去吉野家打邊爐，但所有呢d一切活動既背後最主要原因竟然冇出現到！！我既如意算盤實在打得太過響。我竟然仲未出糧呀！成世人我都未試過咁q窮！我已經2張卡都check，見到個戶口結餘真係少到喊。

仲要唔知點解下晝唔知幾多點開始我個頭就好好好痛，搭完170返沙田更痛！shit！返到沙田又咩都做唔到就要返屋企。

返到屋企食完野7點半我已經極速返床訓，因為我個頭太太太痛了，訓到11點再起身就好好多。

2009/11/17

今日返11至7。我問左主任之後終於搞清出糧既事了，要捱窮多半個月，oh no。何展汶之前說返工第1個月未有糧出時是最辛苦最窮，我終於深深深深深地體會到了。

i love my job！

我有一個同事是上年asw畢業的，十分橋。前日我返city影畢業相時撞到佢，原來佢係year 1 sem b帶我地去天水圍落區的呀羊個女朋友！太橋了哈哈。

2009/11/18

今天返2至10。

2009/11/19

今日係asso畢業禮！！遲到既我依然遲到。

10點鐘開始，有得行上台，有得帶四方帽。

11點幾完左之後同d同學係咁意影左幾張相就搵雅媛同tracy了。

多謝佢地黎充撐我畢業禮既場面用左我果2張唔知點用既嘉賓券！仲有一大紮花同melody畢業公仔呀！！好開心好開心。雖然最後不是好好好貴既亞美畢業公仔，不過melody好有禮貌我都好鐘意佢！仲有收到雅媛的英國手信。

我地影左個幾鐘之後就好肚餓，去左canteen食野了。呀全同謝喜欣都有過黎同我食飯！開心開心。好開心今日都同到7S的你們一起食飯影相！

我地食完飯又急急腳落去影左幾張相，之後呀全就去上堂lu。之後等高妹黎join我地影相。係咁影同同d偶然撞到or故意約好既朋友影左相之後就到2點半了，我要返中心喇。

3點半返到中心同我果組既cw同pw開會，開到5點半開完會我就可以走了。

去左poly搵tracy拎番紮花同隻melody，順便同tracy家姐影相，好開心呀見到佢！

嚮poly影完7點幾就返city同unicorn影相。小p、arthur、小新、呀鵬、ming、呀康都有黎同我影。arthur為我拎黎一部pro機，太好了。

莊員送左我1支有天使翼的公仔玫瑰花，同埋有unicorn個樣的鬆弛熊，好開心好開心！我唔係特別鐘意鬆弛熊的，但小p說太切合我hea底的性格了，而且我都冇乜見人拎住隻鬆弛熊畢業公仔，good！

仲有，好開心殷淑池過左黎搵我影相，好朋友！我終於畢業大個女了！

同莊員去左su嚮podium con day個台度影，返左soc房影，去左大鐘影，去左sss個壁報度影，影完一輪就去食野了。

仍然係品香樓的消夜時間，我地次次去品香樓都係叫果堆消夜食的，叫左成2年唔知點解都仍然係呢d食物，但依舊食得開心。unicorn今晚請我食畢業飯，yeah哈哈！！仲捨棄石峽尾地鐵送我返九龍塘搭車！

今日好開心，多謝黎同我影相的所有人，多謝用自己部相機不停影我的tracy、雅媛、arthur，全靠你地我先可以唔洗動用自己部cheap機但依然多多照片。多謝幫我執野拎袋拎花拎公仔跟住我周圍去的所有苦力，全靠你地懶惰既我先可以毫無顧慮兩手空空咁周圍影相。

2009/11/20

今日返11至7，經過我半個月既親身研究之後，暫時我認為返B更係最唔抵既，因為我要預個半鐘去行路搭車等車返工的，好彩我都算係一起身就呯呯嘭嘭出門口果d人(only for返工)，唔洗預太早起身但都要出門前30分鐘起身。

返11點我9點就要起身，我覺得同返早係冇咩分別的除左搭車少人d之外，夜晚放工我返到屋企都8點半，尷尷尬尬既時間都唔知做乜好。反而返7/8/9點我放左工都只係3/4/5點，大把時間用就好好洗。返2點雖然放工返到黎已經11點半，但都起碼可以訓到12點！

2009/11/21

今日當我又再次嚮紅隧口等巴士時，有一架校巴經過，車上面有幾個好熱情既小學生同d等緊巴士既人揮手，我就即刻同佢地好開心咁揮返手，真係好開心！！佢地都好開心！因為其實沿途係一路都冇人理佢地的。

2009/11/8

今日返2點放10點，第1日返夜！

2009/11/9

忘了。

2009/11/10

今日返7點，好緊張的A更，因為好驚唔知醒！

5點8就要出門口喇果時天都未光呀陰功*0*。當我去到紅磡既時候，都仲未天光得晒，但係已經成街都係人喇香港人真係勤力！！

好彩我嚮紅磡撞到一個cw同事，先不致令我等錯車遲到！

放3點，好開心，返屋企訓覺。

2009/11/11

今日都係返7放3，放工後去左又一城行一陣，join埋謝喜欣同高妹就返city搵康盈同佢影畢業相。佢部新相機質素真係好靚啊。

2009/11/5

今日返11至7。

下晝護士同我打流感針，我見到佢個疫苗寫住可以防H1N1同H3N2同唔知咩嫁@O@。好怕好怕好怕打針既我繼續淆底驚盡護士室，護士話護士長手勢好好的叫我唔洗驚，佢真係打得好好啊，真係冇咩感覺。

放左工之後大意既陳家大小姐竟然嚮差唔多行到去巴士站既時候先記得漏左張聽朝要拎去body check既fax嚮中心呀！激死我喇，由巴士站行去我中心我懷疑有成1000米呀。

2009/11/6

今朝10點幾要去到中環做body check，明明返2點都要咁早起身，好慘。

抽血、驗小便、照肺、見醫生、度高、磅重、量血壓、驗眼，我唔明點解我要連續2日都俾人拮針，真係喊咁滯。好q驚啊真係，所有同醫學有關既事我都驚嫁其實。

我而家真係唔明點解我以前可以咁熱血咁捐左2次血仲2次都唔打麻醉針，我而家都已經冇勇氣去捐血喇好失敗。我仲記得我一到可以捐血既年齡就即刻諗都唔諗去捐血，仲好鬼期待好興奮，都唔知期待d乜，明明我就係十級怕痛，我連抽血都覺得好似斬左我隻手咁痛的。

搞掂完之後我就返左city同anna食飯。

食完飯就返工了。今日返2至10，原來星期五係得一個社工返P更嫁咋，遲d我就要自己一個睇星期五的夜晚了，好鬼多野要記要check。

今日中心大旅行，有9成既學員同職員都去左旅行，好靜呀。

我今天發現原來其中一個pw係呀sue讀high dip時既同學黎嫁。

2009/11/7

今日dayoff，好開心可以盡情係咁訓。

2009/10/31

返工前最後一次唱k。

3點半出大圍join何展汶，之後去左尖沙咀行街。

行到6點幾搭地鐵返旺角，再行去大角咀個k歌站唱k。

我第2次去呢個場唱，佢既晚餐真係充滿驚喜，十分吸引我。大排檔式既餸菜，白飯，中湯，無啦啦仲有乳鴒同三文魚沙律送@O@！又有現金cupon，我絕對會為左唱k果時想食大排檔而再返黎！！

2009/11/1

夜晚返city開coun，成晚都緊張到痴線，因為聽日第1日返工，越夜就越緊張。好多謝有黎開coun既人陪我緊張聽我緊張左成晚啊，真係仲緊張過當年第1日考會考同a-level，我仲好記得考a-level之前果一日嚮課室對住隔離間聖若瑟大嗌左好多次「我好緊張啊」，緊鬼張過放榜。

開coun前我緊張地打左俾miss，佢不停說我痴線。

2009/11/2

今日返9至5，緊張萬分既我琴晚專登好早訓。

當我晨早流流嚮紅隧口迫巴士既時候，我第一次真心覺得，搵食真係好艱難！！

返到去見主任了解一下中心的背景和環境和運作和人手，睇下入職的文件，睇下機構的文件，認識下d學員，之類之類，就完左第1日了！

5點鐘放工我就開心地sms左第1日既情形出去了。

我要輪4更，A更係0700-1500、D更係0900-1700、B更係1100-1900、P更係1400-2200，每個星期返44小時，雖然A更真係好鬼早，P更又冇得睇電視，但係我都okay！

好開心啊，全間中心有60幾個學員，分左做4班，有1班叻d既有廿幾人，會由2個社工跟，另外3班就每班有10幾人，每班由1個社工跟。即係我會負責跟一班，再即係佢地呢班既人就係我既case喇！另外每班會再有1個護士跟身體情況，就係護理部既case。

再另外，每班會有4個program worker(pw)同4個care worker(cw)負責，wow好surprise啊，有8個人follow我啊*0*。我做果度係day com hostel，所以每個社工係會負責睇2間房大約10個學員既，但呢d就唔係case，因為一早已經分晒case嫁喇嘛。

2009/11/3

今日返11-7。而家唔係好似我果時做實習咁專一咁得閒，要督導pw同cw做野又要睇下場又要tick下表仲要主持交更會同埋某些admin工作，但我覺得好好做好開心。

仲有呢，原來我有個社工同事都係city asw嫁早我一年畢業！又有一個pw同事是zoe讀ive既同學呢。

2009/11/4

今日9點半到2點開核心成員會議，只係主任、助理主任、社工同護士長先要出席。wow好長時間！有少少好似unicorn開會咁！好懷念！

4個半小時既會議令我更了解自己既工作。

其實係因為中心既其中一個社工要轉去另一個單位，所以先會有我既入職，我就係接替佢既社工喇。所以我會take over晒佢所有既工作。佢而家仲未走嫁11月中下先正式轉去另一間。

之前講過我要跟一班10幾隻case同埋睇2間房。除此之外，每個社工仲會負責3個俾學員參加既興趣小組，即係好似俾學生參加既課外活動咁，但pw同cw會幫手帶的。另外每個社工都要跟2個working group，即係好似以前中學有分課外活動組、訓導組、輔導組、教務組、升學就業輔導組果d咁囉，係有關中心運作的。所以我都會負責3個學員興趣小組同2個working group，當然pw同cw亦有份幫手。

忘了說，每日都會由返某一更既社工做果日既當值主管(D.O.)，即係類似果日既班長咁啦我諗，有咩突發事or人手調動or問題處理都會由佢負責，我遲d都有機會做yeah！開心開心！

主任話我果d case而家會暫時share俾其他社工先，到12月同1月先分2次俾返我，每次俾一半，所以我2月就會hold返晒所有case。而果3個學員興趣小組同2個working group，都會有同事拍住我先，我再慢慢主導番，而我會follow左d case定左先再follow埋d group。即係類似我果時做細coun chair前，會去sit coun參與開coun開埋一份，但仍然係呀邦做chair，之後我熟左就可以自己做chair自己hold了。

佢地話我大約出年3、4月就可以完全take番晒自己既工作了。好好呀我覺得，唔會一次過即刻掉晒d野同d case俾我跟，我可以同d學員熟晒了解晒佢地先，又可以睇下中心file知道多d野，可以按部就班咁去學去take。

夜晚覆電話給miss，我哇啦哇啦咁講晒我返工既野出黎，佢話想用粗口罵我哈哈，因為我諗野太痴線同埋佢話我成日諗埋100步之後既野太多餘了。不過我返得好開心所以佢也替我開心，佢話我果時揀果條路真係幾唔錯，估唔到又真係俾我做到。

2009/10/29

下晝tracy特意陪我去拎肺片，好野冇事！！成功！！

而家要追溯返幾個月前，陳家大小姐一交晒placement功課就好似發左達咁狂玩，完全唔搵工，一路玩玩玩玩玩，去到8月尾，陳家大小姐覺得差唔多玩夠了，而且就快洗晒d錢了，於是就開始搵工。

搵左半個月，陳家大小姐好快就有第1個offer，但因為某些原因所以陳家大小姐寧願窮多排都要拒絕！

到岩岩既10月中下旬，陳家大小姐又有第2個offer，但呢個offer要照過肺冇事先有效，所以極度淆底既陳家大小姐就即刻去照肺同等結果喇。

等左一星期今日終於收到結果，感激tracy陪異常驚慌既我去拎結果，最後我係正常既yeah！

有同過我辦過超級大事既人都知，我係一個極度淆底自己出錯有甩漏既人，係會淆到坐立不安，而其實我果d擔心從來都冇發生過而我擔心既野其實又係十分之無厘頭既。例如上年做eb我好擔心第1日投完票個票箱封左之後夜晚會俾老鼠咬開d封條咁成堆票就變晒廢票第2日都唔知點算。

今次我就十級恐懼，好驚自己原來係冇肺，或者少左一個肺或者多左一個肺，又好驚自己原來係冇心臟。先唔理如果x-ray有事我會冇左一份工，剩係照到自己身體有問題都夠令我即刻跳樓。所以我一直就十分驚慌，街都唔出咁滯。

我一收到offer既時候其實都係話左俾arthur同7S同學聽，之後我實再太淆，所以都忍唔住要同unicorn講，佢地個個都話我痴線，仲有就係打左俾miss定一定驚。

2009/10/30

今朝同dede一齊去左poly同正正影畢業相，原來謝sir而家冇做poly了仲諗住叫埋佢落黎影。影到咁上下正正都要準備畢業禮所以我同dede就走了。

dede要返city拎野所以我地返左city食lunch，真係十分久違。我都趁呢個時間俾左包我心愛食既朱古力俾今年班eb sit票站果時食。

dede話而家唔好再叫佢做dede喇，佢已經變左dee，但我都係改不到的了。我真係不能忘記明明f.4果時佢矮過我到暑假補課都好似仲係矮過我，一放完個暑假返黎高左超超超多，係超超超多，多到嚇死我。

食完野我就返屋企，嚮大圍果時竟然咁都見到高妹。

3點9又去到楊震，真係久違過久違，因為琴晚wendy問我今日下午4點到6點得唔得閒去楊震頂補習，所以我就返左去。上次黎已經係f.6某日y-star打邊爐re-u。

我望住間中心真係覺得熟悉又陌生，04年會考之後超級流流長既暑假我嚮度渡過左好多歲月，十分十分開心。一日到黑都留嚮楊震同其他y-star開會plan活動，係一班好好人既朋友，諗起都青春。之後經過果時成日搞活動同上training既房間，覺得好懷念呀！

4點到6點我就係同3個五六年級既小朋友做功課check功課，我鐘意教d大個d既小朋友因為我唔識解釋一d太低年班對我黎講好理所當然既知識。雖然我都覺得高年級d功課深深地我都開始唔識嫁喇哈哈。計左好多條數，又份數加減又小數點乘小數點又份數變小數又文字題咁，真係夠晒麻煩，份數加減又要通份母又剩。不過佢地都ok聽話又同我好多野講所以都教得好開心。